İyun 12, 2012 
Rəsul Quliyev: “Azərbaycanda müxalifətin görünən fəaliyyəti əhalinin hökumətdən narazılıq potensialını ifadə etmir”
Eks-spiker Avropa görüşlərinin yekunlarını şərh etdi
ACP lideri Rəsul Quliyevin Avropa görüşləri başa çatıb. Səfərin yekunları barədə Rəsul Quliyev eksklüziv olaraq “Yeni Müsavat”a açıqlama verib. Norveçdə keçirilən görüşlərdə Açıq Cəmiyyət və Liberal Demokrat partiyalarının sədrləri Sülhəddin Əkbər, Fuad Əliyev və Müqavimət Hərəkatı Avropa bürosunun Skandinaviya üzrə nümayəndəsi, R.Quliyevin Avropada gənclərlə işlərini koordinasiya edən müşaviri Rauf Kərimov iştirak ediblər.
Meeting with Mr. Fleckenstein, MEP from Germany
R.Quliyev deyib ki, səfəri çərçivəsində Avropa ölkələrinin bir bayraq altında birləşən və dünya siyasətini müəyyənləşdirən aparıcı partiyalarının 20-dən çox deputatları ilə görüşüb. Onun görüşdüyü deputatlar 12 ölkənin təmsilçiləridir. Bundan əlavə o, bir nazirlik və 3 Avropa İttifaqı komissiyasında kifayət qədər məzmunlu danışıqlar aparıb. Həmçinin, Aİ hökumətinin başçısı Borrozo və onun müavini Aştonun xarici əlaqələr departamentinin rəhbərliyi ilə uzun müddətli görüşlər keçirib. Təmaslarda Azərbaycanda islahatların hansı istiqamətdə gedə bilməsi ilə bağlı detallı müzakirə aparılıb.
Meeting with Mr. Gerald Hafner, MEP from Germany
Eks-spiker həmçinin iki səfir və onların müşavirləri, habelə Müqavimət Hərəkatının Avropa bürosunun üzvləri və bu ölkələrdə yaşayan bir çox azərbaycanlılarla da görüşüb: “Nəzərdə tutulan proqram bütövlüklə baş tutdu. Görüşlər zamanı müzakirə olunan məsələlərin ümumiləşdirilmiş məzmunu belə oldu: Əliyevlər 19 ildir hakimiyyətdədir. Bu müddətdə ölkədə 8 – 4 parlament, 4 prezident seçkiləri keçirilib və ildən-ilə seçkilərin saxtalaşdırılması daha əcaib forma alıb. Axırıncı – 2010-cu il seçkisi seçiciləri rüşvətlə ələ almaqla total saxtalaşdırılıb. Ölkədə uzun müddət ərzində bu şəkildə xalqa ikrahlı münasibət daxili gərginliyi son həddə çatdırıb. Vizual stabillik istənilən vaxt kütlənin partlayışlı protesti ilə pozula bilər. 1988-1990-cı illər və bu yaxınlarda Azərbaycanın stabil rayonlarından biri sayılan Qubada idarə olunmayan kütlənin hansı dağıdıcı qüvvəyə malik olduğu buna sübutdur. Ərəb inqilabları da göstərir ki, totalitar rejim nə qədər uzun çəkirsə, inqilablar bir o qədər qan tökməklə başa çatır.
Meeting with Mr. Falbr, MEP from Czech Republic
”Gənc” totalitar rejimli Tunislə uzun müddətli totalitar rejimli Liviya və orta müddətli Misir müqayisə olunsa, insan tələfatı rejimin ömrü ilə mütənasibdir. Bu gün dünyada monarxiya tipli totalitar rejimlər ancaq 3 ölkədə mövcuddur; Şimali Koreya, Suriya və Azərbaycan. Suriyada tökülən 10 min insanın qanına hələ neçə min əlavə olunacaq, məlum deyil. Koreyada bu proses ola bilər ki, 1 milyon insanın qanı bahasına başa gəlsin. Məqsəd Azərbaycanda belə bir qan tökülməsinin qarşısını almaqdır. İndiyə qədər xalqının qanını tökmüş heç bir diktator öz vəzifəsini qoruyub saxlaya bilməyib. Faciə odur ki, bütün diktatorlar özünü başqa diktatorla müqayisə etmək ağlına malik deyillər. Onların hamısına elə gəlir ki, yaltaqlanmağa, tərif deməyə məcbur edilmiş camaat bu işləri ürəkdən edir, millət onu sevir. Anlaya bilmirlər ki, şəxsiyyəti alçaldılan insanların qisası daha amansız olur. Azərbaycanda bu proseslərin qarşısını almaq üçün rejimin liderinə və ətrafındakılara “dayanın, daha kifayətdir, ya insanların seçim hüququna hörmət edib onların konstitusiya hüquqlarını özlərinə qaytaracaqsınız, ya da dünyadan təcrid ediləcəksiniz” şərti qoyulmalıdır. Bütün bu məsələlər bizim görüşlərimizdə müzakirə olundu”.
Meeting with Ms. Ojuland, MEP from Estonia
Eks-spiker deyib ki, Dağlıq Qarabağ probleminin həlli yolları, korrupsiya və rüşvətin qarşısının alınması yolları da müzakirə edilib: “Bundan başqa aşağıdakı məsələlər müzakirə olundu:
Qərbə Azərbaycanın enerji resursları vacibdir, ya yerləşdiyi coğrafi məkan?
İslam fundamentalizminin vəziyyəti.
Hansı siyasi və iqtisadi reformalar həyata keçirilməlidir?
Avropa İttifaqı ilə münasibətlərin inkişafının gələcəyini şərtləndirən amillər.
Meeting with Mr. Farm, MEP from Sweden
Bu suallar, yəqin ki, vaxtilə Azərbaycanın indiki hökumətinin liderlərinə də verilib. Onlar bu suallara cavablarını əməlləri ilə verdiyindən Qərbdə onların demokratiya barədə söylədikləri nağıllara inanan bir adam da tapılmadı. Düzdür, Azərbaycan hökuməti xalqdan mənimsədiyi külli miqdarda pulu xərcləyərək, xalqa qarşı olan rejimlərini Qərbdə təbliğ etməyə kifayət qədər diqqət yetirir. Həqiqət naminə demək lazımdır ki, bu məsələdə müəyyən müvəffəqiyyətləri də var. Keçmiş sosialist düşərgəsindən çıxmış bir sıra ölkələrin deputatları bunun üçün kifayət qədər canfəşanlıq edirlər. Artıq onların da kimlər olduğunu hamı bilir”.
Meeting with Mr. Schmidt, MEP from Sweden
R.Quliyev bildirib ki, Azərbaycan hakimiyyətinə lobbiçilik etmək cəhdində olan bir neçə deputatla da görüşüb: “Azərbaycan iqtidarının arqumentləri kimi bu adamların da arqumentləri ilk yüngül həmlədən darmadağın oldu. Görüşün axırında isə onlar sərt qətnamələri dəstəkləyəcəklərinə söz verirdilər. Deputatlar və Avropa ölkələri hökumətlərinin adamları deyirdilər ki, Azərbaycanda güclü müxalifət olmasa, demokratiya istiqamətində istənilən cəhdlər uğurlu nəticə verməyəcək. Mənə sual olundu ki, müxalifəti gücləndirmək istiqamətində hansı plan var. Bildirdim ki, ölkədə müxalifətin görünən fəaliyyəti əhalinin hökumətdən narazılıq potensialını ifadə etmir. Müxalifətin görünən gücü ümumi narazılıq potensialından 100 dəfələrlə aşağıdır. Müxalifətin bugünkü durumu sadəcə Əliyevlər rejiminin ardıcıl, məqsədyönlü repressiya siyasətinin nəticəsində baş verib. Elə bir siyasət yeridilib ki, insanların hakimiyyətə nifrət potensialı ilə müxalifətə inanmamaq potensialı tarazlaşıb. Bu, çox təhlükəlidir. Bu vəziyyətin adı ümidsizlik və inamsızlıqdan doğan inqilabdır, qəfildən və partlayışla baş verir”.
Meeting with Sir Watson, MEP from the UK
R.Quliyev görüşlərin effektliliyinin 2012-ci ilin axırına qədər qəbul ediləcək qətnamələrdə öz əksini tapacağına ümid etdiyini bildirdi.
M.MAHRIZLI
Rəsul Quliyev - Rasul Guliyev 
salam Mehriban xanım mən bu məktubu prezident İlham Əliyevədə göndərmişəm lakin cavab verməyib mən vətən yolunda saglamlıgımı iki qılçamı itirmişəm sizin ilham əliyevin budurmu Qarabag əlilinə olan hörməti Qarabag torpagı erməni işgalı altında erməni girovlugunda olan azərbaycan qadınları qızları erməni kişilərindən dünyaya uşaq gətirirlər lakin mən Qarabag əlilini uşaq vasitəsiylə təhqir edirlər sizə xidmət edənlər.cehun cəfərov mənə deyirki sənin səsini kəsəcəm c.cəfərovun sagəli tofiq hüseyinov mənə deyirki xalqkimdirki Ə xalq qələt eləyir.Mehriban xanım mən prezidentə
yazmışamki qızlarınızın qızıl yatagı məni himayəsinə görürə bilər həldə cavab ala bilməmişəm. sizi and verirəm Heydar Əliyevin görüna ananızın ruhuna mənə kömək edin mənə cavab verin mənim üç körpə qız balam var sizdə analıq hissi varmı siz elə düşünməyinki bu belə gedəcək mənim göz yaşımı və üç qız balamın gözünün yaşın Allah yerdə qoymayacaq siz buna əmin ola bilərsiniz.. siz bnnu heydar əliyevin heykəlini xalq sökəndə dərk edəcəksiniz ondada gec olacaq.Qarabag əlilinə cavab verməsən o Allah bilsin sən bil.
salam Resul myellim. mende sizinleyem. Bize ugurlar!
İnsan öz şəxsiyyətini hər bir varlıqdan üstün tutmalıdır.Kimsənin qarşısında əzilib kiçilməməli,kölə olmamalıdır.Bu gün hamı bir ailənin qabagında (xüsusilə də böyük məmurlar) quldur,kölədir.Bir qarın çörəyə,vara,dövlətə görə bu qədər alçalmaq olarmı?Milləti heç kimin cürəti çatmaz ki,zorən əzsin,alçatsın,kölə etsin,deməli bu millət elə buna layiqdir ki,bundan istifadə edirlər.Amma mərd,qürurlu insanlar şəxsiyyətini,mənliyini uca tutub heç kimin qarşısında əyilmir bir tikə yavan çörəyi ilə balasını böyüdür və bu yavan çörəklə böyüyən balası da özü kimi qürurlu böyüyür,əzilmir,sınmır.Bax bu cür insanlar bu gün Rəsul Quliyevlə bir olub onu özmək istəyənlərə qarşı mübarizəsini apararaq sabahını quracaq,heç kimin buna şübhəsi olmasın.Qeyrəti olan hər bir kəsi mən Rəsul Quliyevin ətrafında birliyə səsləyirəm,beqeyrətlər isə gedib agalarının qarşısında donbalaq aşsınlar,abır həyalarını,namus qeyrətlərini tapdalatdırsınlar!Bizlər hələ sınmamışıq və çoxuq və bu gün qeyrətlilərlə beqeyrətlərin əslində davasıdır,biz mütləq onlara qalib gəlməliyik!Odur ki,vaxtında,yubanmadan ayaga qalxıb nə qədr qeyrətli olmagımızın sayını görsətməliyik,yoxsa sabah beqeyrətlərin sayı daha da artar!Hamıya ugurlar!!!!!