Rəsul Quliyevin Azadlıq Radiosunun Suallarını Cavablandırması

 

Açıq Cəmiyyət Partiyasının lideri, hazırda ABŞ-da mühacirətdə yaşayan keçmiş spiker Rəsul Quliyev bu yaxınlarda Vaşinqtonda rəsmilər və nüfuzlu ictimai liderlərlə görüşlər keçirdiyini bildirir.

Rəsul Quliyev AzadlıqRadiosunun yazılı suallarını bu formada – video formatda cavablandıraraq redaksiyamıza təqdim edib. 

O, Azərbaycanda payızda keçiriləcək prezident seçkisi ərəfəsində baş tutan bu müzakirələr və özünün seçki planları barədə danışır.

– Mediada ABŞ paytaxtında görüşlər keçirməyinizə dair xəbərlər yayılır. Bu görüşlər haqqında nə deyə bilərsiz?

–  Vaşinqtonda keçirdiyim görüşlər üç istiqamətdə aparılıb. Konqresin həm Nümayəndələr Palatası, həm də Senatında, Dövlət Departamentində və müxtəlif strateji proqramlar hazırlayan fondlarda görüşlər keçirmişəm.

Əsasən, xarici əlaqələr komitəsinin üzvləri və senatorlarlarla, idarə rəisləri ilə, Helsinki Komissiyasının üzvləri olan konqresmen və senatorlarla görüşmüşəm. Məqsəd – Konqresin diqqətini Azərbaycanda keçiriləcək prezident seçkilərinə çəkmək, Azərbaycanla bağlı müəyyən sənədlərin qəbuluna nail olmaqdır.

Mənə elə gəlir ki, müəyyən nəticələrə nail ola biləcəyik. Bu işləri 2003-cü və 2005-ci illərdə də görmüşəm. Onda da seçkilərlə bağlı həm Konqresin, həm də hökumətin diqqətini Azərbaycana cəlb etdirə bilmişdim. Ümid edirəm ki, bu dəfə də belə olacaq.

– ABŞ-da Azərbaycandakı proseslərə maraq var?

– ABŞ superdövlətdir. Amerika konqresmen və siyasətçilərinin diqqətini Azərbaycana cəlb etməsən, onların Azərbaycanla maraqlanması mümkün deyil. Bəlkə haradasa, nəsə müzakirə olunsun, amma bununla ciddi şəkildə məşğul olmazlar.

Azərbaycanda gedən prosesləri arqumentlərlə Konqres üzvlərinə, hökumət nümayəndələrinə, strateji proqramlar hazırlayan fondlara açıqlayanda diqqətlərini Azərbaycana cəlb etmək mümkündür. Mənə belə gəlir ki, buna nail ola bildim.

2000-ci illərdə dinləmələrdə, 2003-cü və 2005-ci illərdə seçkilərə münasibətin formalaşmasında, Helsinki Komissiyasında Azərbaycanda insan haqları ilə bağlı dinləmələrin təşkil olunmasında kifayət qədər rolum və təcrübəm var. Düşünürəm ki, budəfəki görüşlər də həm qətnamələrə, həm də Helsinki Komissiyasında dinləmələrə nail olmağa imkan verir.

– Azərbaycanda bu payız prezident seçkisi keçiriləcək. Seçkiöncəsi durumu necə qiymətləndirirsiniz?

– 2012-ci ildən bəri Azərbaycanda xaotik etiraz hərəkatları baş verir. Hər ay bu və başqa rayonda, Bakıda müəyyən etiraz mitinqləri keçirilib.

Ölkədəki vəziyyət ona gətirib çıxarıb ki, hökumətə inam tamamilə itib. Azərbaycanda böyük bir kütlə hökumətə nifrətlə yanaşır. Ən təhlükəlisi də odur ki, bunlar xaotik şəkildə baş verir. Bu xaotik nümayişləri idarə edən liderlər yoxdur.

Yəni etirazçılar nə müxalifəti qəbul edir, nə də hakimiyyəti. Azərbaycanda belə bir situasiyanın olması istənilən vaxt böyük bir partlayışla qurtara bilər. Xüsusən Bakıda.

Həmin o xaotik çaxnaşmanın qarşısını almağa qüvvə yox dərəcəsindədir. Nə hökumətin qüvvəsi var, nə də müxalifətin. Ən təhlükəlisi budur və görüşlərdə bunu anlatmağa çalışıram.

Belə bir xaotik etiraz hərəkatı baş verməməli və bunun qarşısı alınmalıdır. Ancaq hökumətin tutduğu yolla bunun qarşısını almaq mümkün deyil. Hökumətin tutduğu repressiyalar yolu yüz faiz iğtişaşın dərinləşməsinə və ölkədə idarəolunmaz xaotik bir hərəkatın yaranmasına gətirib çıxaracaq. Bu da həddən artıq təhlükəlidir.

Belə bir şeyin baş verməməsi üçün düşünürəm ki, ABŞ-ın qəbul edəcəyi qərarların kifayət qədər güclü təsiri olmalıdır. Həmin qərarın bazasında Azərbaycanda müxalifət, hökumət müəyyən addımlar atmalıdır ki, bu addımlar azad və sərbəst seçkilərə gətirib çıxarsın. İlk növbədə hökumət aqressiv hərəkətlərinə son qoymalı, dinc mitinqlərin keçirilməsinə şərait yaratmalıdır. Başqa variantda amansız, xaotik iğtişaşlar ortaya çıxacaq.

– Müxalifət qüvvələrinin birləşəcəyinə inanırsınız?

– Bu, çox mürəkkəb məsələdir. Birincisi, müxalifət qüvvələri həddən artıq pərakəndə vəziyyətdədir. İkincisi, müxalifət qüvvələrinin bugünkü ideologiyası üst-üstə düşmür.

Müxalifət qüvvələrinin içərisində özünün, ya da partiyasının maraqlarını əsas götürən qüvvələr var və Azərbaycanda azad seçkilərin keçirilməsi üçün mübarizə aparan qüvvələr var.

Belə düşünürəm ki, Azərbaycanda, sözün əsl mənasında, azad seçkilərin keçirilməsinə nail olmaq niyyəti daşıyan müxalif qüvvələr birləşəcək. Buna heç bir şübhəm yoxdur. Belə düşünürəm ki, Rüstəm İbrahimbəyovun Milli Şura yaratmaq, Milli Şuranın əsasında hansısa bir strategiya müəyyənləşdirmək istəyi təqdirəlayiqdir. Bu hərəkatın müxalifətin birləşməsində kifayət qədər rolu ola bilər.

AXCP lideri Əli Kərimli bütün çıxışlarında azad seçkilərin keçirilməsini qarşısına əsas məqsəd qoyub. Onun partiyası da belə bir fikirdədir. Sözsüz ki, müxalifətin formalaşmasında onların da rolu kifayət qədər güclü olacaq. Düşünürəm ki, real, konkret  iş görən Məşvərət Məclisi və ona daxil olan partiyalar azad seçkilər keçirmək istiqamətində görüləcək işlərə prioritet verir və bu istiqamətdə işləyir. Müəyyən müddətdən sonra müxalifətin birləşmə konturları seziləcək.

Azərbaycanda geniş koalisiya yaradılmasına ötən ilin dekabrından bəri çox cəhd göstərdim. Təəssüflər olsun ki, bəziləri geniş koalisiya yaratmaq əvəzinə diqqəti yayındırmaq üçün müəyyən oyunlar quraşdırıb onun ətrafında iş apardılar. Beləcə, geniş koalisiyaya nail ola bilmədik.

Ancaq dediyim kimi, həyat eyni ideologiyalı qüvvələrin birləşməsini tələb edir və bu, baş tutacaq.

– Seçki strategiyanızı necə açıqlardınız?

– Söhbət şəxsən mənim seçki strategiyamdan getmir, çünki Azərbaycanda minimum səviyyədə seçki atmosferinə nail olmasaq, müəyyən strategiya qurmaq ancaq qeyri-ciddi adamların işi ola bilər. Seçkilər 100 faiz saxtalaşdırılacaqsa, orada hansı strategiyadan söhbət aparmaq olar?

Seçki strategiyam və ya əsas məqsədim – Azərbaycanda azad seçkilərin keçirilməsinə nail olmaq və bu seçkilərdə öz namizədliyimi irəli sürməkdir. Namizədliyimi irəli sürəndən sonra o kampaniyanı necə aparacağımı çox yaxşı bilirəm. O barədə də təcrübəm kifayət qədərdir. Azərbaycanın hər regionuna, hər kəndinə gedərək seçicilərlə görüşəcək, şüarlarla deyil, konkret həyatlarının necə dəyişiləcəyi barədə onlarla söhbətləşəcəyəm.

Mən vahid namizəd məsələsinə həmişə qeyri-ciddi baxıram. Azad seçkilərə nail olsaq, heç kimdən xahiş etmək niyyətim yoxdur ki, mənim namizədliyimi dəstəkləsin. Özüm öz namizədliyimi camaata qəbul etdirə bilərəm.

Mən həyatımda iki dəfə çox ağır nəticələr verən səhvə yol vermişəm. Birinci səhvim 1996-cı ildəki istefa qərarım olub. Fikirləşmişdim ki, onsuz da Əliyevlər rejimi uzun müddət yaşaya bilməz və normal yolla bunları hakimiyyətdən uzaqlaşdıracağıq. Düşünürəm ki, yanlış davranmışam.

İkinci böyük səhvim 2003-cü ildə olub. Kimlərisə separat şəkildə dəstəkləməklə böyük səhvə yol vermişəm. 2013-cü ildə səhv buraxmaq niyyətində deyiləm. Bir çoxundan fərqli olaraq səhvlərimi də görürəm, səhvlərimi boynuma almağı, özünütənqidi də bacarıram.

Bu, obyektiv və düzgün qərar qəbuluna kömək edir. Əsas seçki strategiyam Azərbaycanda azad seçki keçirmək qoxusu həqiqətən hiss olunanda başlanacaq. Seçki strategiyası da o zaman ortaya çıxacaq.

 

 

Rasul Guliyev - Rəsul Quliyev haqqında

Rasul Guliyev is the former Speaker of the Parliament of Azerbaijan (1993-1996) and is currently leader of the Open Society Party, one of Azerbaijan’s opposition parties. He is a passionate proponent of democracy. He actively participates in efforts to secure democracy and human rights in Azerbaijan, an oil-rich nation by the Caspian Sea and a former Soviet Republic. He writes and speaks out forcefully against the dangers of resurgent dictatorships in the former Soviet Republics. Mr. Guliyev resigned from his post as Speaker in 1996 to protest the human rights violations, censorship policies, widespread bribery and corruption, and anti-democratic policies of the Heidar Aliyev regime. Since that time he and his relatives and colleagues have been continually harassed by the government, now headed by Heidar Aliyev’s son, Ilham. Mr. Guliyev and his family live in political exile in the United States. During the past several years Mr. Guliyev has devoted his efforts to writing political and historical books that reveal the realities of life in Azerbaijan today. His books have enjoyed widespread interest in the Azeri diaspora forced to leave their homeland because of political persecution. Millions now live across Europe, in Russia, and the U.S. Recently, when excerpts from his latest book were published in an opposition newspaper in Azerbaijan and the book began selling within Azerbaijan, the government intervened to halt its distribution. Mr. Guliyev has presented briefings to US policy makers in numerous forums, including those sponsored by the National Democratic Institute (NDI), the International Republican Institute (IRI), the Congressional Human Rights Caucus, the Carnegie Endowment for International Peace, and the Kennan Institute of the Woodrow Wilson International Center. He has testified before the US Congress’ Helsinki Commission (Commission on Security and Cooperation in Europe) on the issue of Elections, Democratization, and Human Rights in Azerbaijan. Government Service and Political Involvement Following a career in the oil industry (in 1992 Mr. Guliyev was named Vice President of SOCAR, the State Oil Company of Azerbaijan Republic), and with the advent of Azerbaijan’s independence from the Soviet Union, Mr. Guliyev became involved in the political process in Azerbaijan. He served as Speaker of the Parliament during the early years of independence but became increasingly disenchanted after former KGB General Heidar Aliyev seized power. Since the late 1990’s he has been a leading opposition figure and party leader. In 2005 he was his party’s candidate for the parliamentary elections, but was prevented from returning from exile to Azerbaijan to participate in the election process. In dramatic events, the government closed and sealed off the airport to prevent his plane from landing and arrested many of his supporters. Despite this, he garnered the majority of votes in his precinct – yet the authorities would not validate his victory in this election that international observers decried as marred with irregularities and falsifications. Two years later Mr. Guliyev co-founded the Open Society Party and was elected party leader. Since the 2008 presidential elections, the entrenchment of Ilham Aliyev’s power, and the growing reliance on Azerbaijan by the US, repression in Azerbaijan has increased. Journalists and American-educated Azeri bloggers have been arrested for talking and writing against Ilham Aliyev and his family. The office and home of a leading human rights activist was recently bulldozed by the government. This climate creates dilemmas for the U.S. government which looks to Azerbaijan for energy resources for the West and for cooperation with regional security needs. The next Azerbaijan presidential election will be held in 2013. Ilham Aliyev will be the leading candidate. The opposition in Azerbaijan has been crushed. And under Aliyev’s leadership and direction, the country’s Constitution has been amended to remove term limits and set the stage for Aliyev’s being “president for life.” It is in this context that Rasul Guliyev is renewing his efforts to remind and inform U.S. policy makers of the on-going repression and corruption that plagues Azerbaijan, and encouraging U.S. policy makers to speak out about these realities. Personal Rasul Guliyev is married to Elmira Guliyeva, formerly an oil engineer. He is the father of three and has six grandchildren.

2 Cavab to “Rəsul Quliyevin Azadlıq Radiosunun Suallarını Cavablandırması”

  1. Salam,Rəsul bəy. Siz Azərbaycanda baş verən etiraz aksiyalarını xaotik səciyyələndirirsiniz və nə müxalifətin, nə də iqtidarın buna nəzarət edə bilməməsini qeyd edirsiniz. Bəs siz özünüz və müqavimət hərəkatının funksionerləri bütün bunları ( xahiş edirəm bunu bir replika kimi başa düşməyəsiniz) nəzarət altına almağı düşünmürsünüz? Azərbaycandakı narazı elektoratın vahid qüvvəyə cevrilməsini sanki hec bir müxalif lider istəmir?! Rüstəm İbrahimbəyovun Milli Şurasıni və hansısa(mövcud olmayan) strategiya ideyasını təqdirəlayiq sayırsınız. Sizə elə gəlmirmi ki, bu siyasi mübarizədən cox, eksperimentə oxşayır? Azərbaycanda köklü şəkildə siyasi islahatlara nail olmaq istəyiriksə, siz(müxalifət liderləri) istəsəniz də, istəməsəniz də bir araya gəlməlisiniz!!! Bütün bunları sadəlövhcəsinə söylənmiş fikir kimi yox, hazırki şəraitdən doğan reallıq kimi başa düşün.P.S. Rəsul bəy, sizin Amerikada və dünyanın başqa bölgələrində kecirdiyiniz görüşlərə, fəaliyyətinizə mənim hec bir şübhəm yoxdur və bunlar böyük işlərdir, amma azdır. Əsas işlər- Azərbaycanda görüləsi işlərdir…

  2. My partner and I stumbled over here coming from a different web page and thought
    I might as well check things out. I like what I see so now
    i am following you. Look forward to going over your web page repeatedly.

Cavab qoy

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: