-Demokratik proseslərə start verilməsinə görə, Avropa qitəsi məhz Napoleona minnətdar olmalıdır;
-Napoleon nadir talanta malik sərkərdə olmaqla yanaşı, dövrünün ən proqressiv siyasətçilərindən biri idi;
-Öz vətəndaşlarına qarşı belə münasibət bəsləyən ölkə çox təhlükəlidir;
Tarixi arayışın davamı
Nəhayət, birləşmiş Avropa 2 il apardığı müharibədən sonra – 1814-cü ildə Napoleon ordusunu məğlub edə bildi. İngiltərənin başçılığı altında yarım milyona yaxın ordu cənubdan – İspaniya tərəfdən, qərbdən Prussiya, Avstriya, şimal-şərqdən isə Rusiya və İsveç qoşunları Fransaya daxil olmaqla, Napoleonu imperatorluqdan istefa vermək sənədinə qol çəkməyə məcbur etdilər. Rusiya qoşunları birinci dəfə nəinki Qərbi Avropada müharibədə iştirak etdi, hətta bütün Avropa ərazisindən keçərək, koalisiya qoşunları ilə birlikdə Parisə daxil oldu. Müharibədən sonra yaranmış yeni vəziyyətlə bağlı – ərazi, siyasi və ictimai problemləri müzakirə etmək ücün Venada konfrans kecirildi.
Napoleonun 14 il müddətində apardığı aqressiv müharibələrin krallar tərəfindən neqativ qarşılanmasına baxmayaraq, müsbət rolu da danılmazdır. Napoleon nadir talanta malik sərkərdə olmaqla yanaşı, dövrünün ən proqressiv siyasətçilərindən biri idi. Onun hesabına Avropada feodal quruluşlara və münasibətlərə son qoyuldu. Demokratik proseslərə start verilməsinə görə, Avropa qitəsi məhz Napoleona minnətdar olmalıdır. 1808-ci ilə qədər, Napoleonun tutduğu ölkələrin vətəndaşları öz krallarını yox, onu dəstəkləyirdilər. Sonradan müharibələrini davam etdirmək üçün bu ölkələrdən yığılan vergilərin qat-qat artırılması camaatı Napoleonun əleyhinə qaldırdı.
Venada keçirilən konfransda Rusiya ilk dəfə idi ki, Avropanın tamhüquqlu üzvü kimi iştirak edirdi. Napoleona qarşı vuruşan 1 milyonluq (hər iki cəbhədə) ordunun 20 faizi rus qoşunlarından ibarət idi. Ona görə, ruslar konfransda özlərini kifayət qədər aqressiv aparırdılar. İngiltərənin qəti etirazına baxmayaraq, Finlandiya və Polşanın bir hissəsini konfransın qərarı ilə ələ keçirə bildilər. Polşanın və Osmanlı imperiyasının torpaqlarının bir hissəsinə sahib çıxmağın xatirinə, Prussiya və Avstriya İngiltərəni yox, rusları dəstəklədilər.
Yaranandan bəri, ilk dəfə Rusiyanın İngiltərənin müəyyənləşdirdiyi qlobal siyasəti dəstəkləməməsi məsələsi Birləşmiş Krallığın parlamentinin qapalı iclasında müzakirəyə çıxarıldı. Parlamentdə çıxış edən Baş nazir, Xarici İşlər və Müdafiə nazirləri baş verən hadisələrə dərin analiz verdilər. Baş nazir Rusiyanın həm Avropada, həm Osmanlı imperiyasının Avropadakı sərhədlərində, həm də Qafqazda təhlükəli qüvvəyə çevrildiyini qeyd etdi, Rusiya ilə müharibə aparmağın təhlükəli olduğunu vurğuladı: “…Bu ölkədə hər bir şeyin qiyməti var, təkcə orada yaşayan insanlardan başqa. Bu ölkənin çarı və sərkərdələri, 80 faizinin öldürüləcəyini bilsə də, kifayət qədər təlim görməmiş əsgərləri döyüşə göndərirlər. Fransızlarla müharibədə, demək olar ki, bir döyüşü belə udmasa da, itkisi prussiyalılardan və avstriyalılardan 5 dəfə artıqdır. Axırıncı müharibədə əvvəlcədən itkilərnin olacağını bildikləri üçün daim Rusiyadan yeni təlim görməyən əsgərlər gətirirdilər. Öz vətəndaşlarına qarşı belə münasibət bəsləyən ölkə çox təhlükəlidir. Bu gün Polşanı və Finlandiyanı tələb edən rusların sabah İrana və Hindistana hücum edəcəyinə şübhəylə yanaşmırıq. Təcili tədbirlər görmək lazımdır. Yoxsa ruslarla İran körfəzində görüşməli olacağıq”.
Ardı Var
QARABAĞ: Müqavimətsizlikdən Doğan Faciə (2011) Kitabından
Salamlar. olsun Canab Rasul Quliyev.Biz faxhr edirik sizinla,biz sizinlayik hamisa.siza ugrlar, arzulayirig.
I’m truly enjoying the design and layout of your site. It’s a very easy on the eyes which makes it
much more enjoyable for me to come here and visit more often.
Did you hire out a designer to create
your theme? Outstanding work!
Really Appreciate this blog post, is
there any way I can receive an update sent in an email when
you make a new update?