“R.İbrahimbəyov hökmən prezident seçkisinin namizədi olmalıdır, hamı bir nəfər kimi çalışmalıdır.”

Hörmətli cənablar və xanımlar.
Hörmətli Milli Şuranın üzvüləri

Azərbaycan hakimiyyəti indiyə qədər heç vaxt güclü rəqibini seçkilərə buraxmayıb. Qorxduqları rəqiblərini seçkilərə buraxmamaq üçün onlara qarşı müxtəlif çeşidli cinayət işləri açıb, ən yaxşı variant kimi ölkədən didərgin salıblar. Bu gün hakimiyyətin qorxduğu yeganə şəxs R.İbrahimbəyovdur. O caamat arasında populyardır, xarici ölkələrin incəsənət adamları və son 3-4 ayda siyasətçiləri tərəfindən qəbul olunmuş şəxsdir. Bunun nəticəsidirki ABŞ konqresmənləri bu yaxınlarda Azərbaycanda olarkən prezidentlə görüşlərində ilk məsələ olaraq onun Azərbaycana gəlib seçkidə namizəd kimi iştirak etməsinə şəraitin yaradılması tələbini irəli sürüblər. Faktdırki Vaşinqtonda Helsinki komisiyasının müzakirələrində iştirak edən ABŞ dövlət adamlarının hamısı çıxışlarında M.Ş.-nın namizədi kimi R.İbrahimbəyova şərait yaradılmasını tələb ediblər, başqa sözlə seçkinin leqitimliyinin bu faktordan asılı olduğunu qeyd ediblər. Bu dinləmələrdə iştirak edən Azərbaycanın Vaşinqtondakı səfirinin hesabatı rejimin təşvişini bir qədərdə artırıb.

İ.Əliyevin konqresmenlərə verdiyi vədin ” onsuzda xalq məni seçəcək, R.İbrahimbəyov gəlsin seçkilərdə iştirak etsin ona heç kim mane olmayacaq” ömrü heç bir ayda çəkmədi. İbrahimbəyovun gündən günə artan nüfuzunun qarşısını almaq üçün ancaq özlərinə xas olan metodlara əl atdılar. Bu gün R.İbrahimbəyova qarşı yazılan ssenari artıq detalları ilə məlumdur. Heydər və İlham Əliyevlərin yaxın keçmişdə R.İbrahimbəyov barəsində söylədikləri, qeyri adi talant, prinsipal şəxsiyət kimi təriflər bir kənara qoyulub, onu korrupsioner, pul mənimsəyən kimi təqdim etmək niyyətindədilər. Əsas məqsəd onu Azərbaycana buraxmamaq, seçkidə iştirak etməsinə imkan verməməkdir. Bu gün o 31 iyulda Bakıya gələrsə onu qarşılamağa gedənləri amansızcasına dağıtmaq ,kimlərisə həbs etmək komandası artıq verilibdir, bunun üçün inandıqları xüsusi polis dəstələrində 2 mindən artıq komondos yaradılıb. R.İbrahimbəyovu isə aeroportda həbs edib 2 gün ərzində açılmış ”cinayət” işi ilə əlaqədar həbsxanadan buraxmamaqdır. Siz bu ssenari ilə son 20 ildə yüzlərlə insanların həbs edildiyinin şahidisiniz.

Bu məqsədlərini həyata keçirmək üçün R.İbrahimbəyovla indiyə qədər birgə işləmiş adamları intensiv şəkildə istintaqa çağırırlar, onun üçün ” cinayət” işləri formalaşdırırlar. Haqq ədalətin olmadığı bir ölkədə bu işləri görməyin nə dərəcədə asan bir şey olduğunu hər birimiz bilirik. Bu hazırlıq işindən sonra məqsəd tez bir zamanda onun üzərində məhkəmə prosesi başlamaq və cinayətkar kimi bir neçə illiyə həbs etməkdir. Başqa sözlə seçkidə iştirakına icazə verməməkdir. Çox ehtimal ki, R.İbrahimbəyovun törətdiyi çax saylı ”cinayətləri ” barədə 30 iyulda tele şouda hazırlanır.

Hakimiyyətin belə bir əxlaqsız planının həyata keçrilməsi Azərbaycanın yaxın 10 illərdə demokratikləşməsi prosesinin üzərindən xətt çəkməkdir. Hadisələr bu şəkildə inkişaf etsə Azərbaycanı azərbaysızlaşdırmaq siyasətinin 3-cü və ən ağır nəticələr verə biləcək mərhələsi başlayacaq. Azı bir milyon azərbaycanlı və ziyalıların böyük bir hissəsi ölkəni tərk edəcəkdir. Bizim ağalara qulluq etmək üçün Tailanddan tutmuş Afrika ölkələrinə qədər adamlar gətiriləcəkdir.

R. İbrahimbəyov verdiyi sözə əməl edən adamdır. Onunla təmasda olanların arasında ”söz verdi ancaq əməl etmədi” deyə bilən bir adamda tapılmaz. İndi bizim əsas işimiz hökümətin xalqı tam sındıracaq bu planının qarşısını almaqdır.Əgər onu müdafiə edə bilməyəcəyiksə verdiyi sözə əməl edib 31-ində Bakıya gəlib, cəmiyyətdən tədric edilməsi nə qədər məqsədə uyğyndur məsələsi bu gün bizim hər birimizi narahat etməlidir. Bu bir daha göstərir ki, biz R.İbrahimbəyovun vahid namizədliyində qətiyyətli olmalıyıq. Hökümətin xalqla oynamağ, ələ salmağ şansını əlindən almalıyıq. Düşünürəm ki, R. İbrahimbəyov Bakıya gəlməmişdən öncə hansı isə bir ölkədə M.Ş.-nın bir sıra üzvüləri ilə görüşməli və dərindən müzakirə etməlidir. Gərək bütün qüvvələri hökümətin bu müdhiş ,xalqın əleyhinə olan siyasətinin qarşısını almaq üçün mobilizasiya etməyin yollarını axtaraq. Məqsəd bir olmalıdır, ya R.İbrahimbəyov seçkilərdə iştirak edəcək, ya da seçkilərin keçrilməsinə imkan verməyəcəyik. R.İbrahimbəyovun xalqdan tədric edilməsi ölümə bərabər bir şeydir biz buna yol verə bilmərik. Hörmətli azərbaycanlılar və M.Ş.-nın üzvüləri bu yazdıqlarım absolyut real faktlara söykənib, xahiş edirəm vaxta az qalıb münasibətinizi bildirəsiniz.

1.R.İbrahimbəyov hökmən prezident seçkisinin namizədi olmalıdır, hamı bir nəfər kimi çalışmalıdır.

2.R. İbrahimbəyov onun müdafiəsini real təşkil etdikdən sonra Bakıya gəlməlidir.

3. Bunun üçün onun M.Ş,-nın bir sıra üzvüləri ilə görüşüb real vəziyyəti müzakirə etməsi zəruridir.

4. R.İbrahimbəyovun namizədliyi qeydə alınmasa ümumiyyətlə prezident seçkilərinin keçrilməsinə imkan verməməliyik