Oktyabr 23, 2013 
Hörmətli cənablar və xanımlar MŞ qarşısına qoyduğu ”tarixi” missiyasını nəinki yerinə yetirə bilmədi əksinə çox ağır məğlubiyyətə uğradı. Seçkilərin azad keçirilməsi əvəzinə MŞ-nın bəzi üzvülərinin canfəşanlığı nəticəsində vahid və alternativ namizədlər ətrafında gedən əhəmiyyətsiz diskusiyalar, şantaj xarakterli hərəkətlər 21 Avqust qərarını seçkilərə 48 gün qalmış İ.Əliyevin legitimlik qərarını qəbul etdilər. Azad seçkilərin heç üfüqdə görünmədiyi bir şəraitdə qeyri leqitimlik ancaq seçkilərə buraxılmayan R.İbrahimbəyovun vahid namizədliyi fonunda ola bilərdi. Təssüf ki, özünün siyasi həyatını uzatmaq siyasətinə üstünlük verən bəzi partiya liderləri risk edib seçkilərdə iştirak etmək və namizəd olmaq istəmədilər. Namizəd olmaq istəmədiyini dəfələrlə elan etmiş Cəmil müəllimi dilə tutub vahid namizəd elan etdilər. Seçkilərin nəticəsi məlumdur və birinci dəfədir ki, İ.Əliyev ATƏT,Avropa Şurası və Parlamenti və 10-larla ölkələrin başçılarından isti təbrik teleqramları aldı. Avropa ittifaqının prezidenti və hər iki müavini demokratik seçkilər keçirməsi münasibəti ilə təbriklərini göndərdi. Göndərilən təbrik teleqramlarının yarısından çoxu demokratik ölkələrin başçılarındandır.Hətta Avropa Şurası və parlament asambleyasının sədri Cəmil müəllimin Strasburqa səfərindən sonra ikinci dəfə təbrik teleqramı göndərdi. O məktubla tanış olun.
“[ 21 Oktyabr 2013 20:07 ]
Bakı – APA. Avropa Şurası Parlament Assambleyasının sədri Jan Klod Minyon Azərbaycan prezidentinə təbrik məktubu göndərib.
APA-nın məlumatına görə, məktubda deyilir: “Hörmətli cənab Prezident!
Yenidən Azərbaycan Respublikasının Prezidenti seçilməyiniz münasibətilə Sizə təbriklərimi çatdırmaqdan məmnunluq duyuram.
Birinci turdan seçicilərin böyük əksəriyyətinin səsini toplamaqla qazandığınız qələbə xalqın Sizə inamının əyani göstəricisidir.
Əminəm ki, Sizin müdrik siyasi təcrübəniz ölkənizdə aparılan islahatların yeni mərhələsində də uğurlu olacaq.
Azərbaycan öz tarixində ilk dəfə 2014-cü ildə Avropa Şurası Nazirlər Komitəsinə sədrlik edəcək. Bu, bütün Avropa qitəsində təşkilatımızın standartlarına və dəyərlərinə hörməti möhkəmləndirmək, eləcə də gələcəkdə ölkənizdə bütün islahatların həyata keçirilməsinə təkan vermək üçün əlverişli imkandır.
Əminəm ki, Sizin yenidən Azərbaycan Respublikasının Prezidenti seçilməyiniz təşkilatımızın və dəyərlərimizin möhkəmlənməsi işinə töhfə verəcək. Avropa Şurası və onun Parlament Assambleyası öhdəliklərin və vəzifələrin həyata keçirilməsində Azərbaycanı tam dəstəkləyir. Əminəm ki, yaxın gələcəkdə biz daha sanballı nəticələrin şahidi olacağıq. Ənənəmizə uyğun olaraq 2014-cü ilin sessiyalarından birində Azərbaycanın Nazirlər Komitəsinə sədrliyi ilə əlaqədar Assambleyamıza müraciət etmək üçün Strasburqa səfərinizi səbirsizliklə gözləyirik. Sizə ali dövləti vəzifənizdə böyük uğurlar arzulayıram”.
Nə üçün bu məktubla tanış olmağınızı istədim. İstəyirəm ki, 21 Avqust qərarının nəticəsini əyani görəsiniz.
1993-cü ildə AXCP və Müsavat ölkəni idarə edə bilməyib hakimiyyətlərini öz arzuları ilə H.Əliyevə verdilər. Həmin o vaxtdan bu günə qədər bu partiyaların liderləri özlərini ana müxalifət adlandırıb addımba addım seçkilərin saxtalaşdırılmasını dahada asanlaşdırmaq üçün əllərindən gələni edirlər. 1998-ci ildə Əbülfəz Elçibəyə qarşı təxribat, 2000-ci ildə hökümətlə separat sövdələşməyə getmək, 2003-cü ildə heç bir müqavimət göstərməməyə cəhd etməmək,2005-ci ildə yenidən separat danışıqlar aparanlar kimlərdir həmin bu iki qüvvə. Hökümət onların ”ana” müxalifət olmasında maraqlıdır. Çünki istədiyi vaxt yazdığı ssenarini oynatdıra bilir. Hökümət yaxşı bilirki onların xalq arasında heç bir hörməti yoxdur ona görədə 2 qəzetin ”Azadlığın” XCP-nın, ”Yeni Müsavatı” Müsavat partiyalarının ruporuna çevrilməsinə imkan yaradıb. Musavat qəzeti azda olsa neytrallıq göstərmək təşəbüsündə olur,”Azadlıq” isə məktəb direktorunun hər gün yoxladığı informasiya vasitəsinə çevrilib.
2010-cu ildən İP adlanan qurum 2 ildən artıq bir müddətdə bu gün sabah hər şeyi dəyişdirəcəklər, artıq Əliyevlərin sonu çatıb nağılları ilə camaatı aldatdı. İndidə həmin funksiyanı MŞ adı altında davam etdirmək istəyirlər. Bu gün MŞ adını dəyişmiş İP-dır.
Hörmətli xanımlar və cənablar indidə MŞ adından yenidən 5 ildə özümüzün şəxsi və cılız ambisiyalarımıza görə xalqı aldatmamalıyıq. Bu gün rejim güclüdür, MŞ adlı təşkilata heç fikir vermir. Son bir neçə ildə prezident çıxışlarında müxalifəti kifayət qədər təsirli təhqir edib. İndi həvəsi olanda həmin təhqirləri MŞ-ya ünvanlayacaq.
Milli Şura ilk növbədə aşağıdakı sualları müzakirə etməlidir:
1. Burada oturanların içərisində kim inanırdı ki, seçkilər saxtalaşdırılmayacaq. Seçkilərin saxtalaşdırılmasının qarşısını almaq üçün MŞ-nın müzakirəsi və ya planı olub ya yox.
2. Konkret kimlər bu əsas məsələni müzakirə etmək əvəzinə heç bir əhəmiyyəti olmayan memarandumları müzakirə obyektinə çevirib.
3. Kimlərin təşəbbüsü ilə bir çox namizədlər irəli sürmək, əsas namizəd seçkilərə buraxılmasa ( belə bir iş baş versəydi, ATƏT və Dövlət departamentinin neçə illərdir verdiyi standart bəyanatlara qeyri legitimlik əlavə ediləcəydi.) Sentyabrın 9-dan sonra qərar qəbul etmək kimi konstruktiv plan taran edildi. Seçkilərə ən azı İ.Qəmbər, Ə.Kərimli, E.Namazov, M.Fəttayev, C.Həsənli və S.Əkbər qatıla bilərdi,hər şeyi qoyaq qırağa TV-də Cəmil müəllimin 54 dəqiqəlik çıxışının əvəzində 324 dəqiqəlik xalqa müraciət ola bilərdi. Orta hesabla hətta hər birinə 2-3 faiz səs yazsaydılar belə müxalifətin saxtalaşdırmaqdan sonra səsləri 12-18 faiz ola bilərdi.
4. Kimlər onsuzda onu seçkilərə buraxmayacaqlardan ehtiyat edib konstruktiv planı pozdu.
5. Musavat və XC –si faktiki seçkilərin təşkili məsələsindən hamını uzaqlaşdırıb bütün məsuliyyəti öz üzərinə götürdü. Bu gün həmin məsuliyyətin iflasına görə izahat verilməlidir.
6. Bu gün Cəmil müəllim bizim prezidentdir ideyası 2018-ci ilə qədər davam edəcək, ya bu məsələ ilə bir neçə adam məşğul olsun MŞ isə buraxdığı səhvlərdən nəticə çıxarıb real proqramla yəni bir proqramla ‘’Azad seçkilər və xalqın konstitusion hüquqlarının özünə qaytarılması uğrunda’’ real mübarizə planını müzakirə edib qərar qəbul etməlidir.
7.MŞ-dan real vəziyyətə qiymət verməyi bacarmayan ömrü boyu şüarlarla yaşayanların təcrid olunmasının vaxtı çatmayıbmı və sair.
Çünki real plan və proqramı olmayan MŞ heç kimə lazım deyil, ilk növbədə xalqa. Kimlərin MŞ-da qalıb qalması belə bir müzakirə keçiriləndən sonra məlum olmalıdır. Hər halda mən heç vaxt kimlərinsə ziyan verən siyasi həyatının uzadılmasına qulluq edən MŞ-da qalmaram. Bəlkə MŞ-da məndəndə başqada belə düşünənlər vardır.
Rəsul Quliyev - Rasul Guliyev 
Tamamile raziyam..
Bu gun Azərbaycanda, yəni İlham Əlievin dükanında, yas mərasiidir – neft sənayesi qətlə yetrilmişdir. SOCAR-da real iş örən bir idarə var idi -Kompleks Qazma işləri tresti. O idarəni bu gun bağışladılar Bəylər Əyyubovun “otdelinə”. Azərbaycan İlham Əliyevin dükanıdırsa, bu düanın müxtəlif şöbələri var – otdelləri. Bu otdellərdən ən “xodovoyu” Bəylərin otdelidir. Yaxşı vıruçka verir. Bərəkət. O şöbənin də bir piştaxtasi var, Nəsib Həsənovun piştaxtsı – Nobel şirkəti də deyirlər ona. Nəsib Həsənov bu dükanda peyk işinə, NarMobilə şirkətiin bəzi işlərinə baxır. Görkəmli mədən işçisi Leyla xanımın qızıl mədəninin vıruçkaını da o yığır. Çox da savadlı adamdır bu Nəsib Həsənov, hətta yüzə qəder saya da bilir. İndi isə Nəsib Həsənov SOCAR-da qazma işlərinə baxacak, özu çox böyük şəxssiyət olduğuna görə o işlərə onun əlaltılarından biri baxacak.
Kül başına ay millət! Gör nəgünə qalmısan ki, sənin sərvetini Nəsib Həsənov kimilərə bağışlayırlar. Nəsib Həsənov kimilərinə nəinki Avropada, heç Nigeriyada da keşikçi işi vermirlər. Amma Azərbaycandə Bəylər Əyyubovun otdelində neft qazma işlərini bəxş edirlər.